Bugun,

  • USD 11014.01
  • RUB 191.8
  • EUR 10674.78

Ayrim ma’lumotlarga ko‘ra, Yer yuzidagi eng keksa ayol hisoblanuvchi filippinlik Fransiska Susano 124 yoshida vafot etdi. Bu haqda ayol istiqomat qilgan Kabankalan shahri hukumatining Facebook’dagi rasmiy sahifasiga tayanib, “RBK” xabar berdi.

Foto: Facebook / City Government of Kabankalan

Foto: Facebook / City Government of Kabankalan
Susano 22-noyabr kuni kechasi vafot etgan. Kabankalan hukumati uning Yer yuzidagi eng keksa ayol ekani to‘g‘risidagi maqomi Ginnesning rekordlar kitobi tomonidan tasdiqlanganini bildirgan. Shu bilan birga, CNN sentabr oyida — Susano 124 yoshini nishonlagan vaqtda Ginnesning rekordlar kitobi vakillari uning tug‘ilgani to‘g‘risidagi ma’lumotlarni hamon tekshirayotgan bo‘lganini ma’lum qilgan.

Susanoning evarasi Jonatanning so‘zlariga ko‘ra, Fransiskaning o‘limi vaqtida unda biror kasallik alomatlari aniqlanmagan. Kabankalana jamoat aloqalari bo‘yicha ofitseri marhumada COVID-19 belgilari yo‘qligini, shu bilan birga tibbiyot xodimlari uning organizmida virus bor yoki yo‘qligini aniqlash bo‘yicha test o‘tkazishini ma’lum qilgan.

Filippin hukumatining ma’lumotlariga ko‘ra, Fransiska Susano 1897-yilda tug‘ilgan. U vaqtlarda mamlakat Ispaniya boshqaruvi ostida bo‘lgan. 1898-yilda Ispaniya orolni AQShga topshirgan, mustaqilikka esa 1946-yilda erishgan. Shuningdek, u hayoti davomida Buyuk Britaniya qirolichasi Viktoriya boshqaruvi davrini ham ko‘rgan. Susanoning 14 farzandi bor bo‘lib, to‘ng‘ich qizi hozirda 101 yoshda.

Avvalroq yaponiyalik 107 yoshli opa-singillar Ginnesning rekordlar kitobidan dunyodagi eng keksa egizaklar sifatida o‘rin olgani, sayyoraning eng keksa ayoli uzoq umr ko‘rish bo‘yicha rekord o‘rnatgani to‘g‘risida xabar berilgandi.

Eslatib o‘tamiz, 2020-yilning fevralida Yaponiyaning Niigata prefekturasida sayyoradagi eng keksa erkak deb rasman tan olingan 112 yoshli Titetsu Vatanabe vafot etgandi.

Izoh
Asosiy yangiliklar
Dunyo
Lenin bilan uchrashgan Gerbert Uells, arab davlatlari va Isroil o‘rtasidagi “Oxirzamon urushi” va rus generalining harbiy gospitaldan quvilishi. Kun xronologiyasid...
Dunyo
Ramzan Qodirovga general-polkovnik unvoni berildi
Mahalliy
O‘zbekistonda 8 ta yangi yo‘nalishda temiryo‘l qatnovlari tashkil etilib, 34 ta zamonaviy elektropoyezd xarid qilinadi