Афғонистоннинг Саманган вилоятида мамлакатнинг энг кекса фуқароси — 144 ёшли мавлавий Муҳаммад Амин Тўтор вафот этди. Бу ҳақда Афғонистон миллий телевидениесига таяниб, «Интерфакс» хабар берди.
Буюк Мавлавий номи билан машҳур бўлган Муҳаммад Амин Тўтор мамлакатнинг таниқли олим ва оқсоқолларидан эди. У бундан 90 йил муқаддам Омонуллахон даврида Ҳиндистондаги Деобанд мадрасасини тамомлаган ва 15 та ҳукуматни кўрган.
Қариндошларининг айтишича, Мавлавий Муҳаммад Амин тўрт марта уйланган ҳамда умри давомида фарзандларининг бир неча авлодини кўрган. Эркакнинг ёши ҳужжатлаштирилмаган, унинг ҳаёти ҳақидаги барча маълумотлар фақат қариндошларининг сўзларига асосланган.
2021 йилнинг ноябрь ойида филиппинлик Франциска Сусано 124 ёшида вафот этганди. Сусанонинг эвараси Жонатаннинг сўзларига кўра, Францисканинг ўлими вақтида унда бирор касаллик аломатлари аниқланмаган.
Аввалроқ япониялик 107 ёшли опа-сингиллар Гиннеснинг рекордлар китобидан дунёдаги энг кекса эгизаклар сифатида ўрин олгани, сайёранинг энг кекса аёли узоқ умр кўриш бўйича рекорд ўрнатгани тўғрисида хабар берилганди.
Мавзуга доир: Тожикистондаги энг кекса аёл 126 ёшида вафот этди
Изоҳ (0)