O‘zbekiston xorijiy turizm bozorlarida mamlakat salohiyatini targ‘ib qilishni rejalashtirgan. Bu haqda 2022—2026-yillarga mo‘ljallangan taraqqiyot strategiyasini 2022-yilda amalga oshirish bo‘yicha “yo‘l xaritasi” loyihasida belgilangan.
Qayd etilishicha, respublikaga tashrif buyuradigan xorijiy turistlar soni 2026-yilga qadar 9 million nafarga yetkaziladi. 2022-yilda O‘zbekiston sayohat uchun xavfsiz mamlakat sifatida e’lon qilinadi. Xorijiy mamlakatlarda xalqaro turizm ko‘rgazma va yarmarkalarda milliy stend bilan ishtirok etiladi. Mamlakatning diplomatik vakolatxonalari va vatandoshlar ko‘magida dunyo miqyosida “O‘zbekiston kunlari” promo aksiyasi muntazam tashkil qilinadi.
Shuningdek, xorijiy turistlar soni 2022-yilda 2,7 million nafarga yetkaziladi. Xalqaro aviatashuvlar soni oshirilib, pandemiya sharoitida 40 ta davlar aviatashuvchilari bilan muzokara olib boriladi. Qo‘shni davlatlar bilan to‘g‘ridan to‘g‘ri bog‘laydigan turistik avtobuslar va temiryo‘l qatnovi joriy etiladi. Bunda:
- 2022-yilda qo‘shni davlatlar bilan muzokaralar olib borish;
- chegara o‘tish punktlarida sayyohlar uchun qisqa muddatda o‘tish tizimini joriy qilish rejalashtirilgan.
Mavzuga doir:
Izoh (0)