Ўзбекистон хорижий туризм бозорларида мамлакат салоҳиятини тарғиб қилишни режалаштирган. Бу ҳақда 2022—2026 йилларга мўлжалланган тараққиёт стратегиясини 2022 йилда амалга ошириш бўйича «йўл харитаси» лойиҳасида белгиланган.
Қайд этилишича, республикага ташриф буюрадиган хорижий туристлар сони 2026 йилга қадар 9 миллион нафарга етказилади. 2022 йилда Ўзбекистон саёҳат учун хавфсиз мамлакат сифатида эълон қилинади. Хорижий мамлакатларда халқаро туризм кўргазма ва ярмаркаларда миллий стенд билан иштирок этилади. Мамлакатнинг дипломатик ваколатхоналари ва ватандошлар кўмагида дунё миқёсида «Ўзбекистон кунлари» промо акцияси мунтазам ташкил қилинади.
Шунингдек, хорижий туристлар сони 2022 йилда 2,7 миллион нафарга етказилади. Халқаро авиаташувлар сони оширилиб, пандемия шароитида 40 та давлар авиаташувчилари билан музокара олиб борилади. Қўшни давлатлар билан тўғридан-тўғри боғлайдиган туристик автобуслар ва темир йўл қатнови жорий этилади. Бунда:
- 2022 йилда қўшни давлатлар билан музокаралар олиб бориш;
- чегара ўтиш пунктларида сайёҳлар учун қисқа муддатда ўтиш тизимини жорий қилиш режалаштирилган.
Изоҳ (0)