O‘zbekistonda 1-yanvar kuni 88 kishida koronavirus qayd etildi. Sog‘liqni saqlash vazirligi ma’lumotlariga ko‘ra, bu 2021-yilning martidan buyon qayd etilgan eng past ko‘rsatkich.
Yangi kasallanish holatlarining:
- 7 nafari Andijon viloyatida,
- 8 nafari Buxoro viloyatida,
- 3 nafari Jizzax viloyatida,
- 3 nafari Namangan viloyatida,
- 17 nafari Samarqand viloyatida,
- 1 nafari Sirdaryo viloyatida,
- 7 nafari Farg‘ona viloyatida,
- 9 nafari Xorazm viloyatida,
- 4 nafari Toshkent viloyatida,
- 29 nafari Toshkent shahrida
Qayd etilishicha, shu kuni 119 kishi: Andijon viloyatida 11 nafar, Buxoro viloyatida 9 nafar, Jizzax viloyatida 5 nafar, Namangan viloyatida 4 nafar, Samarqand viloyatida 18 nafar, Sirdaryo viloyatida 2 nafar, Farg‘ona viloyatida 6 nafar, Xorazm viloyatida 16 nafar, Toshkent viloyatida 20 nafar, Toshkent shahrida 28 nafar bemor tuzalib, kasallikdan sog‘ayganlar jami 196 337 nafarga yetdi va sog‘ayish ko‘rsatkichi 98 foizni tashkil etmoqda. Shu bilan birga, 29-dekabrdan buyon — ketma-ket to‘rtinchi kun kasallikdan o‘lim holati qayd etilmadi.
Eslatib o‘tamiz, O‘zbekistonda kunlik kasallanish bo‘yicha 2021-yildagi eng past ko‘rsatkich 15-mart kuni qayd etilgandi — o‘shanda 65 kishida COVID-19 tasdiqlangan.
Shundan keyin kunlik aniqlangan holatlar soni 100 tadan pastga tushmagan. Aprel oyida kasallanish taxminan 200 tadan deyarli 450 taga ko‘paygan. May oyida maksimal ko‘rsatkich 452 (5-may), iyunda — 546 (25-iyun), iyulda — 924 (30-iyul), avgustda — 974 (5-avgust), sentabrda — 736 (1-sentabr, oy oxiriga kelib esa pasayish kuzatildi), oktabrda — 487 (6-oktabr), noyabrda — 294 (11-noyabr), dekabrda — 278 (10-dekabr) tani tashkil etdi.
Izoh (0)