Ўзбекистонда 1 январь куни 88 кишида коронавирус қайд этилди. Соғлиқни сақлаш вазирлиги маълумотларига кўра, бу 2021 йилнинг мартидан буён қайд этилган энг паст кўрсаткич.
Янги касалланиш ҳолатларининг:
- 7 нафари Андижон вилоятида,
- 8 нафари Бухоро вилоятида,
- 3 нафари Жиззах вилоятида,
- 3 нафари Наманган вилоятида,
- 17 нафари Самарқанд вилоятида,
- 1 нафари Сирдарё вилоятида,
- 7 нафари Фарғона вилоятида,
- 9 нафари Хоразм вилоятида,
- 4 нафари Тошкент вилоятида,
- 29 нафари Тошкент шаҳрида
Қайд этилишича, шу куни 119 киши: Андижон вилоятида 11 нафар, Бухоро вилоятида 9 нафар, Жиззах вилоятида 5 нафар, Наманган вилоятида 4 нафар, Самарқанд вилоятида 18 нафар, Сирдарё вилоятида 2 нафар, Фарғона вилоятида 6 нафар, Хоразм вилоятида 16 нафар, Тошкент вилоятида 20 нафар, Тошкент шаҳрида 28 нафар бемор тузалиб, касалликдан соғайганлар жами 196 337 нафарга етди ва соғайиш кўрсаткичи 98 фоизни ташкил этмоқда. Шу билан бирга, 29 декабрдан буён — кетма-кет тўртинчи кун касалликдан ўлим ҳолати қайд этилмади.
Эслатиб ўтамиз, Ўзбекистонда кунлик касалланиш бўйича 2021 йилдаги энг паст кўрсаткич 15 март куни қайд этилганди — ўшанда 65 кишида COVID-19 тасдиқланган.
Шундан кейин кунлик аниқланган ҳолатлар сони 100 тадан пастга тушмаган. Апрель ойида касалланиш тахминан 200 тадан деярли 450 тага кўпайган. Май ойида максимал кўрсаткич 452 (5 май), июнда — 546 (25 июнь), июлда — 924 (30 июль), августда — 974 (5 август), сентябрда — 736 (1 сентябрь, ой охирига келиб эса пасайиш кузатилди), октябрда — 487 (6 октябрь), ноябрда — 294 (11 ноябрь), декабрда — 278 (10 декабрь) тани ташкил этди.
Изоҳ (0)