Oliy Majlis Qonunchilik palatasining 28-dekabrda bo‘lib o‘tgan majlisida “Davlat fuqarolik xizmati to‘g‘risida”gi qonun loyihasi muhokama qilindi. Bu haqda quyi palata matbuot xizmati xabar qildi.
Ma’lum qilinishicha, qonun loyihasi bilan davlat fuqarolik xizmatini tartibga solish va tegishli subyektlarning vakolatlari, davlat fuqarolik xizmatchisining maqomi, odob-axloq qoidalari, uning huquqlari va majburiyatlari hamda javobgarligi belgilanmoqda.
Qonun loyihasida davlat fuqarolik xizmati tizimida korrupsiyaga qarshi kurashish, davlat fuqarolik xizmatiga kirish, uni o‘tash va tugatishning yagona qoidalarini joriy etish ko‘zda tutilgan. Mazkur hujjatda, shuningdek, birinchi marta davlat fuqarolik xizmatchilarining maqomi instituti joriy etilmoqda.
Shuningdek, loyihada davlat xizmatchilarining daromadi va mol-mulkini deklaratsiyalash, korrupsiyaga oid jinoyatlarni sodir etgan shaxslar davlat fuqarolik xizmatiga qabul qilinmasligi kabi normalar o‘z aksini topmoqda.
Mazkur qonun loyihasi birinchi o‘qishda qabul qilindi.
Mavzuga doir:
- “Viloyat rahbarlarining imzosigacha soxtalashtirilgan”. Zoir Mirzayev yer ajratish bilan bog‘liq qonunbuzarlik holatlari haqida gapirdi
- Qarshidagi oziq-ovqat bozori bozorqo‘mi 900 ming so‘m bilan “qo‘lga tushgani” aytildi. Viloyat IIB ma’lumotni tasdiqladi
- “Katta-katta hokimlarni javobgarlikka tortsangiz, sizni hurmat qilishni boshlayman”. Mirziyoyev yer ajratishdagi korrupsiya holatlari yuzasidan bosh prokurorga yuzlandi
Izoh (0)