Олий Мажлис Қонунчилик палатасининг 28 декабрда бўлиб ўтган мажлисида «Давлат фуқаролик хизмати тўғрисида»ги қонун лойиҳаси муҳокама қилинди. Бу ҳақда қуйи палата матбуот хизмати хабар қилди.
Маълум қилинишича, қонун лойиҳаси билан давлат фуқаролик хизматини тартибга солиш ва тегишли субъектларнинг ваколатлари, давлат фуқаролик хизматчисининг мақоми, одоб-ахлоқ қоидалари, унинг ҳуқуқлари ва мажбуриятлари ҳамда жавобгарлиги белгиланмоқда.
Қонун лойиҳасида давлат фуқаролик хизмати тизимида коррупцияга қарши курашиш, давлат фуқаролик хизматига кириш, уни ўташ ва тугатишнинг ягона қоидаларини жорий этиш кўзда тутилган. Мазкур ҳужжатда, шунингдек, биринчи марта давлат фуқаролик хизматчиларининг мақоми институти жорий этилмоқда.
Шунингдек, лойиҳада давлат хизматчиларининг даромади ва мол-мулкини декларациялаш, коррупцияга оид жиноятларни содир этган шахслар давлат фуқаролик хизматига қабул қилинмаслиги каби нормалар ўз аксини топмоқда.
Мазкур қонун лойиҳаси биринчи ўқишда қабул қилинди.
Мавзуга доир:
- «Вилоят раҳбарларининг имзосигача сохталаштирилган». Зоир Мирзаев ер ажратиш билан боғлиқ қонунбузарлик ҳолатлари ҳақида гапирди
- Қаршидаги озиқ-овқат бозори бозорқўми 900 минг сўм билан «қўлга тушгани» айтилди. Вилоят ИИБ маълумотни тасдиқлади
- «Катта-катта ҳокимларни жавобгарликка тортсангиз, сизни ҳурмат қилишни бошлайман». Мирзиёев ер ажратишдаги коррупция ҳолатлари юзасидан бош прокурорга юзланди
Изоҳ (0)