O‘zbekiston yo‘llarida sodir bo‘lgan baxtsiz hodisalar tafsilotlarini taqdim etamiz.
Toshkentda ikki Nexia to‘qnashdi
2021-yilning 28-dekabr kuni soat 17:50 larda Toshkent shahar, Mirzo Ulug‘bek tumani, Temur Malik va Do‘rmon yo‘li ko‘chalari kesishgan chorrahada haydovchi G.Sh. (1978-yilda tug‘ilgan) boshqaruvidagi Nexia-3 hamda haydovchi R.O. (1996-yilda tug‘ilgan) boshqaruvida bo‘lgan Nexia avtomobillari ishtirokida to‘qnashuv sodir bo‘lgan.
To‘qnashuv oqibatida haydovchi G.Sh.ga birinchi tez-tibbiy yordam ko‘rsatilgan.
Mazkur YTH yuzasidan Mirzo Ulug‘bek tumani IIB YHXB xodimlari tomonidan surishtiruv harakatlari olib borilmoqda.
Farg‘onada Damas piyodaning o‘limiga sababchi bo‘ldi
Shuningdek, 26-dekabr kuni Farg‘ona viloyati Oltiariq tumanida voyaga yetmagan haydovchi A.N. Damas avtomashinasini “G‘ayrat” MFY hududida boshqarib ketayotib, yo‘lning qatnov qismini kesib o‘tayotgan piyoda D.Q.ni urib yuborgan.
Oqibatda piyoda tan jarohati olib, shifoxonada vafot etgan.
Mazkur holat yuzasidan Oltiariq tumani IIB huzuridagi tergov bo‘limi tomonidan Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish xavfsizligi qoidalari buzish) bilan jinoyat ishi qo‘zg‘atilib, tergov harakatlari davom etmoqda.
Mavzuga doir:
- Samarqand va Qashqadaryoda yonib ketgan MAN, 11 yoshli piyodani urib yuborgan Nexia. YTH tafsilotlari
- Urgutda olib qochilgan Damas YTHga uchradi, Samarqandda Lada yonib ketdi. YTHlar tafsilotlari
- Namanganda poyezd piyodani urib ketdi, qizil chiroqda o‘tgan Lada bir kishining umriga zomin bo‘ldi. YTHlar tafsiloti
Izoh (0)