Samarqand viloyati Kattaqo‘rg‘on tumanida tadbirkordan 2 ming dollar undirmoqchi bo‘lgan xalq ta’limi bo‘limi mutaxassisi ushlandi, deya xabar qilmoqda Iqtisodiy jinoyatlarga qarshi kurashish departamenti.
Ma’lum qilinishicha, Davlat xavfsizlik xizmati va Bosh prokuratura huzuridagi departamentning Kattaqo‘rg‘on bo‘limlari tadbirkorlik subyektlarining huquqlarini himoya qilish yuzasidan tezkor tadbir o‘tkazgan. Unda tuman xalq ta’limi bo‘limi mutaxassisi A.Sh. tadbirkorga L.S. MChJ tomonidan tumandagi maktabda amalga oshirilgan 300 million so‘mlik joriy ta'mirlash ishlari bajarilgani haqidagi dalolatnomani XTB mudiriga tasdiqlatib berishini aytgani aniqlangan. U buning evaziga 2 ming dollar so‘ragan.
U pullarni olgan vaqtda ashyoviy dalillar bilan qo‘lga olingan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Samarqandda tuman XTB mudiri o‘rinbosari 300 dollar pora bilan qo‘lga tushdi
- Samarqandda uy-joy kommunal xizmat ko‘rsatish bo‘limi boshlig‘i pora bilan qo‘lga tushdi
- Qashqadaryoda ijtimoiy so‘rovnomada qatnashgan o‘qituvchilarning 42 foizi ishga kirish uchun direktorga pora berilishini ma'lum qilgan
Izoh (0)