Toshkent shahri Uchtepa tumani Lutfiy ko‘chasida 25-dekabr kuni harakat vaqtincha cheklanadi. Bu haqda tuman hokimligi xabar qildi.
Ma’lum qilinishicha, shu kuni Lutfiy ko‘chasida “O‘zbekiston yoshlar forumi —2021” haftaligi yakunlariga bag‘ishlangan gala konsert o‘tkaziladi.
Shu munosabat bilan 25-dekabr kuni Farhod va Lutfiy ko‘chalari kesishmasidan boshlab Lutfiy va Shirin ko‘chalari kesishmasigacha bo‘lgan hududda avtoulovlar harakati soat 09:00 dan 22:00 ga qadar vaqtincha cheklanadi.
“Keltirilgan noqulayliklar uchun uzr so‘raymiz. Barchani tadbirimizga taklif etamiz”, — deyiladi hokimlik xabarida.
Izoh (0)