Ahror Mansurov Namangan viloyati hokimining o‘rinbosari — Mahalla va oilani qo‘llab-quvvatlash boshqarmasi boshlig‘i etib tayinlandi. Bu haqda “Daryo” muxbiri Azizbek Abduvaliyev xabar bermoqda.
Ahror Mansurov 1988-yilda Namangan viloyatining Mingbuloq tumanida tug‘ilgan. Ma’lumoti oliy, 2013-yilda Toshkent davlat yuridik institutini tamomlagan.
Mehnat faoliyatini 2013-yili Mingbuloq tuman davlat notarial idorasi notarius yordamchisi sifatida boshlagan.
2014—2016-yillarda Namangan viloyat adliya boshqarmasida, 2016—2019-yillarda Namangan viloyati hokimligining Axborot-tahlil guruhi bosh mutaxassisi, guruh rahbari vazifalarida faoliyat yuritgan.
U 2019-yildan shu kunga qadar Prezident Administratsiyasi yetakchi inspektori lavozimida ishlab kelayotgandi.
Eslatib o‘tamiz, Namangan viloyati hokimining o‘rinbosari — Mahalla va oilani qo‘llab-quvvatlash boshqarmasi boshlig‘i Shuhrat Musayev oldinroq Uychi tumani hokimi etib tayinlangandi.
Izoh (0)