Аҳрор Мансуров Наманган вилояти ҳокимининг ўринбосари — Маҳалла ва оилани қўллаб-қувватлаш бошқармаси бошлиғи этиб тайинланди. Бу ҳақда «Дарё» мухбири Азизбек Абдувалиев хабар бермоқда.
Аҳрор Мансуров 1988 йилда Наманган вилоятининг Мингбулоқ туманида туғилган. Маълумоти олий, 2013 йилда Тошкент давлат юридик институтини тамомлаган.
Меҳнат фаолиятини 2013 йили Мингбулоқ туман давлат нотариал идораси нотариус ёрдамчиси сифатида бошлаган.
2014—2016 йилларда Наманган вилоят адлия бошқармасида, 2016—2019 йилларда Наманган вилояти ҳокимлигининг Ахборот-таҳлил гуруҳи бош мутахассиси, гуруҳ раҳбари вазифаларида фаолият юритган.
У 2019 йилдан шу кунга қадар Президент Администрацияси етакчи инспектори лавозимида ишлаб келаётганди.
Эслатиб ўтамиз, Наманган вилояти ҳокимининг ўринбосари — Маҳалла ва оилани қўллаб-қувватлаш бошқармаси бошлиғи Шуҳрат Мусаев олдинроқ Уйчи тумани ҳокими этиб тайинланганди.
Изоҳ (0)