Toshkent shahri Shayxontohur tumanida sug‘urta polisi mablag‘larini o‘zlashtirish holati fosh etildi, deb xabar qilmoqda Iqtisodiy jinoyatlarga qarshi kurashish departamenti.
Ma’lum qilinishicha, Bosh prokuratura huzuridagi departamentning Shayxontohur tuman bo‘limi tadbirkorlik subyektlarining huquqlarini himoya qilish yuzasidan tergovga qadar tekshiruv o‘tkazgan. Unda yakka tartibdagi tadbirkor S.J. va fuqaro O.X. sug‘urta kompaniyasi hisoblanadigan A.I. MChJ bilan agentlik bitimlarini tuzishga erishib, qat’iy hisobda turuvch 2473 dona sug‘urta polislarini realizatsiya qilishdan tushgan 120,6 million so‘mni kompaniya hisobiga o‘tkazmasdan, shaxsiy ehtiyojlariga ishlatib yuborgani aniqlangan.
Qayd etilishicha, holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilgan. Hozirda tergov harakatlari olib borilmoqda.
Mavzuga doir:
- Qashqadaryoda korxonaning 319,7 mln so‘mini o‘zlashtirgan rahbar o‘rinbosariga jinoyat ishi qo‘zg‘atildi
- Toshkentda sug‘urta polislarini sotishdan tushgan 662,1 mln so‘mni talon-toroj qilganlarga jinoyat ishi qo‘zg‘atildi
- Surxondaryoda shirkat rahbari ta’mirlash va qurilish ishlari uchun ajratilgan puldan 525,2 mln so‘mni o‘zlashtirgani aniqlandi
Izoh (0)