Toshkent shahrida fuqaroga pul evaziga kredit ajratib berishni taklif qilgan bank xodimi ushlandi, deya xabar qilmoqda IIV matbuot xizmati.
Ma’lum qilinishicha, 2021-yil 7-dekabr kuni IIVga fuqaro J.M. ariza bilan murojaat qilib, arizada Toshkent viloyati Zangiota tumani hududidan to‘liq qurib bitkazilmagan ko‘p qavatli uylardan xonadonni ipoteka krediti asosida sotib olish maqsadida “Mikrokreditbank” ATB Toshkent filialiga borgan.
Ammo bankning “Chakana xizmatlar” bo‘limi boshlig‘i Z.Sh. uning nomiga 7 yil muddatga imtiyozli ipoteka krediti ajratib berish evaziga 2 ming AQSh dollari berishini aytib, pullarni uning tanishi X.Y.ga berib qo‘yishni aytgan.
Shundan so‘ng, J.M.ning arizasiga asosan Toshkent shahar Chilonzor tumani 2-mavzesi Arnasoy ko‘chada X.Y. ariza muallifidan 2 ming dollarni olgan vaqtida ashyoviy dalillar bilan ushlangan hamda Z.Sh. ham qo‘lga olinib, surishtiruvga jalb qilingan.
X.Y. va Z.Sh.ga nisbatan Jinoyat kodeksining 168-moddasi (firibgarlik) va 28,211-moddasi (pora berish) bilan jinoyat ishi qo‘zg‘atilib, hozirda Toshkent viloyati prokuraturasi tomonidan tergov harakatlari olib borilmoqda.
Mavzuga doir:
Izoh (0)