Futbol bo‘yicha Ispaniya chempionatining 17-turida “Real Madrid” 12-dekabr, yakshanba kuni “Atletiko”ga qarshi bahs olib bordi.
Uchrashuvning 16-daqiqasida Karim Benzema jamoasining hujumiga chiroyli yakun yasab, hisobni ochdi. Ikkinchi bo‘lim boshida Marko Asensio mezbonlarning navbatdagi qarshi hujumini muvaffaqiyatli yakunladi. Qolgan vaqtda hisob o‘zgarmadi.
Ketma-ket o‘nta o‘yindan beri g‘alabali seriya qayd etayotgan “Real” ochkolarini 42 taga yetkazib oldi va eng yaqin ta’qibchini 8 ochkoga ortda qoldirgan holda yakka peshqadam bo‘lib turibdi. “Atletiko” (29) esa 4-pog‘onada qoldi.
La Liga
17-tur bahslari
12-dekabr, yakshanba
“Real Madrid” — “Atletiko” 2:0
Gollar: 1:0 – 16 Benzema, 2:0 – 57 Asensio.“Real Madrid”: Kurtua, Karvaxal (Nacho, 81), Alaba, Militao, Mendi, Modrich, Kroos, Kazemiro, Benzema (Yovich, 46), Asensio (Valverde, 85), Vinisius Junior (Rodrigo, 87).
“Atletiko”: Oblak, Kondogbia, Felipe, Ermoso, Karrasko (Lemar, 46), Koke, de Paul (Errera, 69), Lyorente, Korrea (Suares, 60), Grizmann (Joau Feliks, 46), Mateus Kunya (Lodi, 60).
Ogohlantirishlar: Felipe (36), Mendi (45), Kondogbia (75), Alaba (88), Suares (88).
Izoh (0)