Prezident Shavkat Mirziyoyev boshchiligida o‘tkazilayotgan videoselektor yig‘ilishida 2022-yilda tumanlararo endokrinologiya bo‘linmalari 29 tadan 50 taga ko‘paytirilishi ma’lum qilindi.
“Birgina misol, Xatirchi tumanida 4 nafar shifokorni Respublika endokrinologiya markazida maxsus tekshiruvlar va zamonaviy davolash uslublari bo‘yicha qayta tayyorlash hisobiga 12 turdagi endokrin kasalliklarni aniqlash va davolash tumanning o‘zida yo‘lga qo‘yilgan”, – deydi prezident.
Bu orqali yiliga 250 nafar bemorlar joyida malakali tibbiy xizmatlar olishiga, tumanda qandli diabetning og‘ir asoratlari, ya’ni ko‘z, buyrak va to‘piq kasalliklarini 30 foizgacha kamayishiga erishilgani alohida ta’kidlandi.
2022-yilda viloyat ixtisoslashgan filiallarni 80 milliard so‘mlik zamonaviy tibbiyot uskunalari bilan jihozlash hisobiga, xizmatlar soni 15 tadan 40 tagacha yetkazilishi bildirildi.
Qalqonsimon bez operatsiyasi, yiringli asorat, amputatsiya va plastik davolash amaliyotini viloyatlarda joriy etish orqali, har yili 30-35 ming nafar fuqaroning poytaxtga kelishi kamayishi qayd etildi.
Shavkat Mirziyoyev SSVga ikki oy muddatda barcha ixtisoslashgan xizmatlarni viloyatgacha tushirish dasturini boshlash bo‘yicha topshiriq berdi.
Mavzuga doir:
- Shavkat Mirziyoyev: “Har bir hududdagi salomatlik maktablarida mahallalardagi bemorlar, diabetga moyilligi bor, ortiqcha vaznli aholiga kasallikni boshqarish o‘rgatiladi”
- Shavkat Mirziyoyev endokrin kasalliklarining og‘ir oqibatlari, asosan, O‘zbekistonning qaysi hududlari hisobiga to‘g‘ri kelishini aytdi
- Shavkat Mirziyoyev endokrin kasalliklarining og‘ir oqibatlari, asosan, O‘zbekistonning qaysi hududlari hisobiga to‘g‘ri kelishini aytdi
Izoh (0)