Prezident Shavkat Mirziyoyev boshchiligida o‘tkazilayotgan videoselektor yig‘ilishida endokrin kasalliklari bo‘yicha qabul qilinadigan dasturga ko‘ra tibbiyot muassasalarida laboratoriya xizmatlari ko‘rsatishning mutlaqo yangi tizimi joriy etilishi ma’lum qilindi. Bu haqda “Daryo” muxbiri xabar qildi.
Jumladan, tumanda eng zarur 5 ta turdagi laboratoriya tekshiruvlarini yo‘lga qo‘yish orqali, ko‘rsatiladigan xizmatlarni 5 tadan 17 taga yetkazish va respublikaga murojaatlarni 20 foizga kamaytirishga erishish mumkinligi qayd etildi.
Bunda ikki oy muddatda laboratoriya tahlillari normativlari xalqaro tajriba asosida to‘liq qayta ko‘rib chiqilib, yangilanishi bildirildi. Tumanlarda oilaviy va markaziy poliklinika, markaziy shifoxona hamda shoshilinch tibbiy yordam bo‘limi laboratoriyalari maqbullashtirilib, tunu-kun ishlaydigan markaziy laboratoriyalar tashkil etiladi. Ularga, oilaviy poliklinika va shifokor punktlaridan materiallarni yig‘ib olish uchun, transport vositalari olib berilishi aytildi. 2022-yil davomida markaziy laboratoriyalardagi 1 mingdan ziyod shifokorlar va 3 mingdan ortiq o‘rta tibbiyot xodimlarining malakasi oshirilishi ta’kidlandi.
Shuningdek, SSVga Toshkent shahrining barcha tumanlari, Toshkent viloyatining 5 ta tumanida, viloyatlarda bittadan tuman va shaharni tanlab, 2022-yil davomida shifoxona va poliklinikalarga qarashli laboratoriyalarni autsorsing asosida xususiy sektorga berish tajribasini qo‘llash tavsiya etildi.
Mavzuga doir:
- Shavkat Mirziyoyev: “Har bir hududdagi salomatlik maktablarida mahallalardagi bemorlar, diabetga moyilligi bor, ortiqcha vaznli aholiga kasallikni boshqarish o‘rgatiladi”
- Shavkat Mirziyoyev endokrin kasalliklarining og‘ir oqibatlari, asosan, O‘zbekistonning qaysi hududlari hisobiga to‘g‘ri kelishini aytdi
- “Tumanlarda sharoit va mutaxassislar malakasi yetishmasligi oqibatida, diabetning og‘ir asoratlari bo‘yicha murojaatlar oshgan” – Shavkat Mirziyoyev
Izoh (0)