Президент Шавкат Мирзиёев бошчилигида ўтказилаётган видеоселектор йиғилишида эндокрин касалликлари бўйича қабул қилинадиган дастурга кўра тиббиёт муассасаларида лаборатория хизматлари кўрсатишнинг мутлақо янги тизими жорий этилиши маълум қилинди. Бу ҳақда «Дарё» мухбири хабар қилди.
Жумладан, туманда энг зарур 5 та турдаги лаборатория текширувларини йўлга қўйиш орқали, кўрсатиладиган хизматларни 5 тадан 17 тага етказиш ва республикага мурожаатларни 20 фоизга камайтиришга эришиш мумкинлиги қайд этилди.
Бунда икки ой муддатда лаборатория таҳлиллари нормативлари халқаро тажриба асосида тўлиқ қайта кўриб чиқилиб, янгиланиши билдирилди. Туманларда оилавий ва марказий поликлиника, марказий шифохона ҳамда шошилинч тиббий ёрдам бўлими лабораториялари мақбуллаштирилиб, туну-кун ишлайдиган марказий лабораториялар ташкил этилади. Уларга, оилавий поликлиника ва шифокор пунктларидан материалларни йиғиб олиш учун, транспорт воситалари олиб берилиши айтилди. 2022 йил давомида марказий лабораториялардаги 1 мингдан зиёд шифокорлар ва 3 мингдан ортиқ ўрта тиббиёт ходимларининг малакаси оширилиши таъкидланди.
Шунингдек, ССВга Тошкент шаҳрининг барча туманлари, Тошкент вилоятининг 5 та туманида, вилоятларда биттадан туман ва шаҳарни танлаб, 2022 йил давомида шифохона ва поликлиникаларга қарашли лабораторияларни аутсорсинг асосида хусусий секторга бериш тажрибасини қўллаш тавсия этилди.
Мавзуга доир:
- Шавкат Мирзиёев: «Ҳар бир ҳудуддаги саломатлик мактабларида маҳаллалардаги беморлар, диабетга мойиллиги бор, ортиқча вазнли аҳолига касалликни бошқариш ўргатилади»
- Шавкат Мирзиёев эндокрин касалликларининг оғир оқибатлари, асосан, Ўзбекистоннинг қайси ҳудудлари ҳисобига тўғри келишини айтди
- «Туманларда шароит ва мутахассислар малакаси етишмаслиги оқибатида, диабетнинг оғир асоратлари бўйича мурожаатлар ошган» – Шавкат Мирзиёев
Изоҳ (0)