Futbol bo‘yicha O‘zbekiston Superligasi 2021-yilgi mavsumi o‘z nihoyasiga yetdi.
O‘zbekiston futbol assotsiatsiyasi (O‘FA) Superliganing kelasi mavsumida nechta jamoa qatnashishi haqida rasmiy bayonot berdi. Unda so‘nggi vaqtlarda kelasi mavsum haqida yangragan turli fikrlarga oydinlik kiritilgan.
O‘FA va PFL chempionat davomida yuzaga kelgan qiyinchiliklarga qaramay sport prinsiplariga rioya qilishni ustuvor vazifa qildi va bunga qat’iy amal qilishda davom etadi. So‘nggi vaqtlarda ijtimoiy tarmoqlarda Superliganing 2022-yilgi mavsumida ishtirokchi klublar soni oshirilishi va chempionatda 16 klub qatnashishi haqida taxminlar yangragandi. Shuni ma’lum qilamizki, O‘FA hamda PFL amaldagi reglamentga o‘zgartirish kiritmaydi va sport prinsiplariga qat’iy rioya qiladi. Keyingi mavsumda Superliganing ishtirokchi jamoalari soni o‘zgartirilmaydi. Bu borada tashabbus bilan chiqayotgan mutaxassislarni reglamentni hurmat qilishga chaqiramiz.PFL esa kelasi mavsumda xalqaro maydonda O‘zbekiston nomidan qaysi jamoalar etishi va qaysi klublar quyi ligaga ravona bo‘lishi haqida ma’lumot berdi.O‘FA bayonoti
Unga ko‘ra, “Paxtakor” mamlakat chempioni sifatida OChL—2022 guruh bosqichiga yo‘l oldi.
“So‘g‘diyona”, “Nasaf” (O‘zbekiston Kubogini qo‘lga kiritish orqali) va “OKMK” (agar “Paxtakor” kubokda g‘alaba qozonsa) jamoalarida hozircha OChL—2022 / OFK Kubogi—2022 ga yo‘l olish imkoniyati mavjud.
“Mash’al” “Olimpik” bilan Superliga o‘tish o‘yinida qatnashsa, “Andijon” va “Turon” 2022-yilgi mavsumni Pro Ligada o‘tkazadi. Pro Ligadan “Neftchi” va “Dinamo” jamoalari elitaga yo‘llanma oldi.
Izoh (0)