Футбол бўйича Ўзбекистон Суперлигаси 2021 йилги мавсуми ўз ниҳоясига етди.
Ўзбекистон футбол ассоциацияси (ЎФА) Суперлиганинг келаси мавсумида нечта жамоа қатнашиши ҳақида расмий баёнот берди. Унда сўнгги вақтларда келаси мавсум ҳақида янграган турли фикрларга ойдинлик киритилган.
ЎФА ва ПФЛ чемпионат давомида юзага келган қийинчиликларга қарамай спорт принципларига риоя қилишни устувор вазифа қилди ва бунга қатъий амал қилишда давом этади. Сўнгги вақтларда ижтимоий тармоқларда Суперлиганинг 2022 йилги мавсумида иштирокчи клублар сони оширилиши ва чемпионатда 16 клуб қатнашиши ҳақида тахминлар янграганди. Шуни маълум қиламизки, ЎФА ҳамда ПФЛ амалдаги регламентга ўзгартириш киритмайди ва спорт принципларига қатъий риоя қилади. Кейинги мавсумда Суперлиганинг иштирокчи жамоалари сони ўзгартирилмайди. Бу борада ташаббус билан чиқаётган мутахассисларни регламентни ҳурмат қилишга чақирамиз.ПФЛ эса келаси мавсумда халқаро майдонда Ўзбекистон номидан қайси жамоалар этиши ва қайси клублар қуйи лигага равона бўлиши ҳақида маълумот берди.ЎФА баёноти
Унга кўра, «Пахтакор» мамлакат чемпиони сифатида ОЧЛ—2022 гуруҳ босқичига йўл олди.
«Сўғдиёна», «Насаф» (Ўзбекистон Кубогини қўлга киритиш орқали) ва «ОКМК» (агар «Пахтакор» кубокда ғалаба қозонса) жамоаларида ҳозирча ОЧЛ—2022 / ОФК Кубоги—2022 га йўл олиш имконияти мавжуд.
«Машъал» «Олимпик» билан Суперлига ўтиш ўйинида қатнашса, «Андижон» ва «Турон» 2022 йилги мавсумни Про Лигада ўтказади. Про Лигадан «Нефтчи» ва «Динамо» жамоалари элитага йўлланма олди.
Изоҳ (0)