Futbol bo‘yicha O‘zbekiston Superligasining 26-turidan o‘rin olgan uchrashuvlar 27-noyabr, shanba kuni o‘tkazildi.

Foto: “OKMK”

Kumush medallari uchun kurashayotgan “OKMK” va “So‘g‘diyona” Olmaliqda o‘zaro bahs yuritdi. Hakam tomonidan qo‘shib berilgan vaqtda penaltidan urilgan gol mehmonlarga g‘alaba keltirdi.

“Konchilar”ning bu mag‘lubiyatidan “Nasaf” unumli foydalana olmadi. Qarshiliklar o‘z uyida “Lokomotiv”ga yutqazib qo‘ydi.

Shu tariqa “So‘g‘diyona” Superligani 2-o‘rinda yakunladi. “OKMK” bronza medaliga ega chiqqan bo‘lsa, “Nasaf” to‘rtinchi o‘rin bilan cheklandi.

“Mash’al” safarda “Surxon”ga yutqazib qo‘ydi va chempionatni 12-pog‘onada tugatdi. Shu tariqa muborakliklar o‘tish o‘yinida “Olimpik” bilan o‘zaro bahsga kirishadi.

Superliga so‘nggi turidan keyin musobaqa jadvali

Foto: PFL

Superliga

26-tur bahslari

27-noyabr, shanba

“OKMK” — “So‘g‘diyona” 0:1

Gol: 0:1 – 90+3, penalti Qahramonov.

“Nasaf” — “Lokomotiv” 1:3

Gollar: 1:0 – 7 Norchayev, 1:1 – 70 Omonov, 1:2 – 75 Abduxoliqov, 1:3 – 82, penalti Abduxoliqov.

Chetlatish: Mannonov – 65 (“Nasaf”).

“Bunyodkor” — “Paxtakor” 3:2

Gollar: 1:0 – 1 G‘iyosov, 1:1 – 26 Temirov, 1:2 – 37 Muhitdinov, 2:2 – 77 Mirahmadov, 3:2 – 85 Mirahmadov.

“Turon” — “Andijon” 1:0

Gol: 1:0 – 50, avtogol Otaxonov.

“Qizilqum” — “Metallurg” 1:3

Gollar: 0:1 – 17 Abdullayev, 0:2 – 36 Rahmatullayev, 0:3 – 62 Sattorov, 1:3 – 64 Kuxianidze.

“Navbahor” — “Qo‘qon-1912” 2:3

Gollar: 0:1 – 5 Norbekov, 1:1 – 12 G‘ulomov, 1:2 – 53 Sidorov, 1:3 – 58 Hasanov, 2:3 – 90+7 Naydenov.

“Surxon” — “Mash’al” 1:0

Gol: 1:0 – 38 Bobojonov.

Chetlatish: Sohibov – 48 (“Surxon”).