Angliya Premyer Ligasining 13-turidan o‘rin olgan bir qator o‘yinlar 27-noyabr, shanba kuni bo‘lib o‘tdi.
“Arsenal” Londonda “Nyukasl”ni mehmon qildi. Uchrashuvning 56-daqiqasida Bukayo Saka hisobni ochgan bo‘lsa, 66-daqiqada Gabriel Martinelli “kanonirlar”ning ikkinchi goli muallifiga aylandi. Shu tariqa Mikel Arteta jamoasi 2:0 hisobida g‘alaba qozondi.
Ushbu g‘alabadan so‘ng “Arsenal” ochkolari sonini 23 taga yetkazdi va 5-o‘rinda bormoqda. “Nyukasl” 6 ochko bilan so‘nggi pog‘onadan joy olgan.
“Liverpul” va “Sauthempton” o‘rtasidagi bahsning 2-daqiqasida Diogu Jota hisobni ochdi. 32-daqiqada Jota dublni rasmiylashtirdi. 37-daqiqada esa Tyago Alkantara hisobni yiriklashtirdi.
Ikkinchi bo‘limda ham mezbonlar hujumkor o‘yin namoyish etdi. 52-daqiqada Virjil van Deyk “Liverpul”ning 4-goli muallifiga aylandi. Shu tariqa mersisaydliklar o‘zining navbatdagi g‘alabasini qo‘lga kiritdi.
G‘alabadan so‘ng “Liverpul”ning ochkolari soni 28 taga yetkazdi, jamoa 2-o‘ringa ko‘tarilib oldi. “Sauthempton” esa 14 ochko bilan 13-pog‘onada joylashgan.
APL
13-tur bahslari
27-noyabr, shanba
“Arsenal” – “Nyukasl” 2:0
Gollar: 1:0 – 56 Saka, 2:0 – 66 Martinelli.“Arsenal”: Remsdeyl, Tomiyasu, Gabriel, Uayt, Nunu Tavaresh, Saka (Martinelli, 64), Smit-Rou, Parti (en-Nenni, 85), Edegor, Lokonga, Obameyang (Lyakazett, 76).
“Nyukasl”: Dubravka, Kraft, Sher, Lassels, Freyzer, Ritchi (Almiron, 67), Sen-Maksimen, Shelvi (Heyden, 89), Uillok, Uilson, Joelinton (Merfi, 67).
Ogohlantirishlar: Ritchi (44), Kraft (48), Lassels (63), Obameyang (76).
“Liverpul” – “Sauthempton” 4:0
Gollar: 1:0 – 2 Diogu Jota, 2:0 – 32 Diogu Jota, 3:0 – 37 Tiago Alkantara, 4:0 – 52 van Deyk.“Liverpul”: Alisson, Aleksander-Arnold, van Deyk, Konate, Robertson, Henderson (Milner, 67), Tiago Alkantara (Oksleyd-Chemberlen, 59), Fabinyo, Saloh, Mane, Diogu Jota (Minamino, 81).
“Sauthempton”: Makkarti, Livramento, Bednarek (Redmond, 46), Voynovich, Salisu, Perro (Uoker-Piters, 88), Romeu, Uord-Prouz, Armstrong, Adams (Tella, 46), Broya.
Ogohlantirish: Bednarek (11).
Izoh (0)