Namangan viloyati Uchqo‘rg‘on tumanida Lacetti velosipedchini urib ketdi, deya xabar qilmoqda viloyat IIB axborot xizmati.
Qayd etilishicha, 2021-yil 22-noyabr kuni soat 21:30 larda Uchqo‘rg‘on–Haqqulobod yo‘lining 5-kilometrida Uchqo‘rg‘on tumani, “Mustaqillik” MFY hududida Uchqo‘rg‘on tumanida yashovchi, 1970-yilda tug‘ilgan fuqaro Lacetti rusumli avtomashinani ishonch qog‘ozi bilan boshqarib borayotib, harakat xavfsizligini ta’minlay olmay, yo‘lni kesib o‘tayotgan velosipedchi, Uchqo‘rg‘on tumanida yashagan, 1964-yilda tug‘ilgan fuqaroni urib yuborgan.
Oqibatda velosipedchi olgan og‘ir tan jarohati oqibatida voqea joyida vafot etgan.
Ushbu holat bo‘yicha Uchqo‘rg‘on tuman IIB huzuridagi TB tomonidan 2021-yil 22-noyabr kuni Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish xavfsizligi qoidalarini buzish) bilan jinoyat ishi qo‘zg‘atilgan.
Izoh (0)