Наманган вилояти Учқўрғон туманида Lacetti велосипедчини уриб кетди, дея хабар қилмоқда вилоят ИИБ ахборот хизмати.
Қайд этилишича, 2021 йил 22 ноябрь куни соат 21:30 ларда Учқўрғон–Ҳаққулобод йўлининг 5-километрида Учқўрғон тумани, «Мустақиллик» МФЙ ҳудудида Учқўрғон туманида яшовчи, 1970 йилда туғилган фуқаро Lacetti русумли автомашинани ишонч қоғози билан бошқариб бораётиб, ҳаракат хавфсизлигини таъминлай олмай, йўлни кесиб ўтаётган велосипедчи, Учқўрғон туманида яшаган, 1964 йилда туғилган фуқарони уриб юборган.
Оқибатда велосипедчи олган оғир тан жароҳати оқибатида воқеа жойида вафот этган.
Ушбу ҳолат бўйича Учқўрғон туман ИИБ ҳузуридаги ТБ томонидан 2021 йил 22 ноябрь куни Жиноят кодексининг 266-моддаси 2-қисми (одам ўлимига сабаб бўлган транспорт бошқариш хавфсизлиги қоидаларини бузиш) билан жиноят иши қўзғатилган.
Изоҳ (0)