O‘zbekistonga 2021-yilning yanvar—oktabr oylarida xorijdan qiymati 154,2 million dollarga teng 2,2 million dona mobil telefon import qilindi. Bu haqda Statistika qo‘mitasi xabar qildi.
Ma’lum qilinishicha, telefon importi o‘tgan yilning mos davri bilan solishtirilganda 1,5 million donaga oshgan. O‘zbekiston 14 ta davlatdan mobil telefonlar import qilgan. Eng ko‘p import qilingan davlatlar:
- Xitoy – 79,5 million dollar;
- Vyetnam – 60 million dollar;
- Hindiston – 7,2 million dollar;
- Qozog‘iston – 5,3 million dollar;
- BAA – 1,4 million dollar;
- Germaniya – 647 ming dollar;
- Rossiya – 175,8 ming dollar.
Eslatib o‘tamiz, 2021-yilning dastlabki 8 oyida O‘zbekiston xorijdan qiymati 117,4 million dollarga teng bo‘lgan 1,6 million dona mobil telefon import qilgandi. Telefon importi o‘tgan yilning mos davri bilan solishtirilganda 1,2 million donaga oshgan.
Bundan tashqari, O‘zbekistonda 2020-yilda 345 431 dona uyali va boshqa simsiz aloqa tarmog‘i uchun telefon ishlab chiqarilgan.
Izoh (0)