Mobi Music orqali musiqa tinglashda internet trafik sarflanmaydi.
Mobiuz mobil aloqa operatori musiqa tinglash va yuklab olish uchun o‘zining yangi xizmatini ishga tushirdi. Mobi Music — bu mahalliy va xorijiy san’atkorlarning minglab qo‘shiq va albomlarini o‘z ichiga olgan mobil ilova.
Foydalanuvchilar ilova yordamida o‘z pleylistlarini yaratishi, moslashtirilgan tavsiyalar olishi, qo‘shiqlarni qurilmalarga yuklab olishi va internetdan foydalanmagan holda tinglashi mumkin. Mobi Music o‘zbek, rus va ingliz tillarida taqdim etilmoqda.
Eng muhimi, Mobiuz abonentlari Mobi Music’dan umuman megabayt sarflamasdan to‘laqonli foydalanishi mumkin. Smartfon yoki planshetga musiqalarni yuklab olish uchun ham Mb safrlanmaydi.
Xizmatdan foydalanish uchun Mobi Music mobil ilovasini yuklab olishingiz va raqamingizni bog‘lash orqali 1 yoki 30 kunlik obunani faollashtirishingiz kerak. Shuningdek, xizmatni USSD-kodlar yordamida boshqarish mumkin:
- *130# — obuna holatini tekshirish;
- *130*1# — kunlik obunani ulash;
- *130*30# — oylik obunani ulash;
- *130*0# — xizmatni o‘chirish.
Shuningdek, mobil ilova foydalanuvchilari mobimusic.uz musiqa portalidan bepul foydalanishlari ham mumkin.
“Oqimli va bulutli texnologiyalar rivojlangan zamonaviy sharoitda media ma’lumotlarni (rasm, video, musiqa va boshqalar) to‘g‘ridan to‘g‘ri qurilmada saqlashning hojati yo‘q. Mobi Music ana shunday qulayliklardan biridir — foydalanuvchi istalgan vaqtda minglab onlayn treklardan foydalanishi mumkin. Buning uchun Mobiuz abonentlariga cheksiz mobil internet taqdim etilmoqda. Umid qilamizki, qulayliklari va imkoniyatlari doimiy ravishda kengayib boradigan Mobi Music xizmatiga abonentlarimiz munosib baho berishadi”, — deya ta’kidladi Mobiuz bosh direktorining marketing va savdolar bo‘yicha o‘rinbosari Lola Filatova.
Mobiuz abonentlari Mobi Music’ni quyidagi havola orqali yuklab olishi va o‘rnatishi mumkin: https://bit.ly/3Hee8j6.
Reklama huquqi asosida.
Izoh (0)