Mobiuz ўзининг мусиқий хизматини тақдим этмоқда

Mobi Music орқали мусиқа тинглашда интернет трафик сарфланмайди.

Mobiuz мобил алоқа оператори мусиқа тинглаш ва юклаб олиш учун ўзининг янги хизматини ишга туширди. Mobi Music — бу маҳаллий ва хорижий санъаткорларнинг минглаб қўшиқ ва альбомларини ўз ичига олган мобил илова.

Фойдаланувчилар илова ёрдамида ўз плейлистларини яратиши, мослаштирилган тавсиялар олиши, қўшиқларни қурилмаларга юклаб олиши ва интернетдан фойдаланмаган ҳолда тинглаши мумкин. Mobi Music ўзбек, рус ва инглиз тилларида тақдим этилмоқда.

Энг муҳими, Mobiuz абонентлари Mobi Music’дан умуман мегабайт сарфламасдан тўлақонли фойдаланиши мумкин. Смартфон ёки планшетга мусиқаларни юклаб олиш учун ҳам Мб сафрланмайди.

Хизматдан фойдаланиш учун Mobi Music мобил иловасини юклаб олишингиз ва рақамингизни боғлаш орқали 1 ёки 30 кунлик обунани фаоллаштиришингиз керак. Шунингдек, хизматни USSD-кодлар ёрдамида бошқариш мумкин:

• *130# — обуна ҳолатини текшириш;
• *130*1# — кунлик обунани улаш;
• *130*30# — ойлик обунани улаш;
• *130*0# — хизматни ўчириш.

Шунингдек, мобил илова фойдаланувчилари mobimusic.uz мусиқа порталидан бепул фойдаланишлари ҳам мумкин.

«Оқимли ва булутли технологиялар ривожланган замонавий шароитда медиа маълумотларни (расм, видео, мусиқа ва бошқалар) тўғридан-тўғри қурилмада сақлашнинг ҳожати йўқ. Mobi Music ана шундай қулайликлардан биридир — фойдаланувчи исталган вақтда минглаб онлайн треклардан фойдаланиши мумкин. Бунинг учун Mobiuz абонентларига чексиз мобил интернет тақдим этилмоқда. Умид қиламизки, қулайликлари ва имкониятлари доимий равишда кенгайиб борадиган Mobi Music хизматига абонентларимиз муносиб баҳо беришади», — дея таъкидлади Mobiuz бош директорининг маркетинг ва савдолар бўйича ўринбосари Лола Филатова.

Mobiuz абонентлари Mobi Music’ни қуйидаги ҳавола орқали юклаб олиши ва ўрнатиши мумкин: https://bit.ly/3Hee8j6.

Реклама ҳуқуқи асосида.