Andijon viloyatining Oltinko‘l tumanida otasiga aliment to‘lashdan bo‘yin tovlagan shaxs 15 sutkaga qamaldi. Bu haqda “Daryo”ga MIB viloyat boshqarmasi axborot xizmati ma’lum qildi.
Ma’lum qilinishicha, fuqarolik ishlari bo‘yicha Andijon tumanlararo sudining ijro hujjatiga asosan qarzdor S.E.dan undiruvchi J.E. foydasiga, ya’ni o‘g‘ildan otaga 2021-yilning 16-yanvaridan boshlab, har oy 200 ming so‘m miqdorida aliment undirish belgilangan.
Bo‘lim xodimlari qarzdorni ogohlantirishlariga qaramasdan, o‘g‘il o‘z otasining ta’minoti uchun berilishi zarur bo‘lgan pullarni vaqtida to‘lamasdan kelgan. Natijada qarzdorlik 1,2 million so‘mni tashkil qilgan. Shu sababli ish hujjatlari jinoyat ishlari bo‘yicha Oltinko‘l tuman sudiga yuborilgan.
Sud ushbu ishni ko‘rib chiqib, qarzdor S.E.ga nisbatan 15 sutka ma’muriy qamoq jazosi tayinlagan.
Mavzuga doir:
- Sirdaryoda farzandlarining aliment pulini to‘lamagan ayolga nisbatan chora ko‘rildi
- Namanganda 3 nafar turmush o‘rtog‘idan ajrashgan va 5 nafar farzandining alimentlarini to‘lamay kelayotgan ota yarim yilga qamaldi
- Namanganlik ota aliment to‘lovlari evaziga uch nafar farzandi uchun 500 mln so‘mlik hovli-joyni xatlab berdi
- Toshkent viloyatida alimentdan qariyb 12 mln so‘m qarzdorligi bor erkak sobiq turmush o‘rtog‘ini MIB bo‘limida pichoqladi
Izoh (0)