Андижон вилоятининг Олтинкўл туманида отасига алимент тўлашдан бўйин товлаган шахс 15 суткага қамалди. Бу ҳақда «Дарё»га МИБ вилоят бошқармаси ахборот хизмати маълум қилди.
Маълум қилинишича, фуқаролик ишлари бўйича Андижон туманлараро судининг ижро ҳужжатига асосан қарздор С.Э.дан ундирувчи Ж.Э. фойдасига, яъни ўғилдан отага 2021 йилнинг 16 январидан бошлаб, ҳар ой 200 минг сўм миқдорида алимент ундириш белгиланган.
Бўлим ходимлари қарздорни огоҳлантиришларига қарамасдан, ўғил ўз отасининг таъминоти учун берилиши зарур бўлган пулларни вақтида тўламасдан келган. Натижада қарздорлик 1,2 миллион сўмни ташкил қилган. Шу сабабли иш ҳужжатлари жиноят ишлари бўйича Олтинкўл туман судига юборилган.
Суд ушбу ишни кўриб чиқиб, қарздор С.Э.га нисбатан 15 сутка маъмурий қамоқ жазоси тайинлаган.
Мавзуга доир:
- Сирдарёда фарзандларининг алимент пулини тўламаган аёлга нисбатан чора кўрилди
- Наманганда 3 нафар турмуш ўртоғидан ажрашган ва 5 нафар фарзандининг алиментларини тўламай келаётган ота ярим йилга қамалди
- Наманганлик ота алимент тўловлари эвазига уч нафар фарзанди учун 500 млн сўмлик ҳовли-жойни хатлаб берди
- Тошкент вилоятида алиментдан қарийб 12 млн сўм қарздорлиги бор эркак собиқ турмуш ўртоғини МИБ бўлимида пичоқлади
Изоҳ (0)