Ulug‘bek Uzoqov Qashqadaryo viloyat hokimining qishloq va suv xo‘jaligi masalalari bo‘yicha birinchi o‘rinbosari lavozimiga tayinlandi. Bu haqda viloyat hokimligi axborot xizmati xabar berdi.
Ulug‘bek Uzoqov 1969-yil Toshkent viloyatida tug‘ilgan. Toshkent davlat agrar universitetini tamomlagan. U tayinlovga qadar Toshkent viloyati hokimining qishloq va suv xo‘jaligi masalalari bo‘yicha birinchi o‘rinbosari vazifasida ishlab kelayotgan edi.
Ma’lumot uchun, endilikda viloyat hokimining 2 nafar birinchi o‘rinbosari mavjud. Nodir Erkayev viloyat hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari hisoblanadi.
Avvalroq Qashqadaryo viloyat hokimi sifatida 2019-yilning oktabridan buyon ishlab kelayotgan Zoir Mirzayev Toshkent viloyati hokimi etib tayinlangani to‘g‘risida xabar berilgandi. Davlat bojxona qo‘mitasi raisi lavozimida faoliyat yuritib kelgan Murotjon Azimov Qashqadaryo viloyati hokimi vazifasini bajaruvchi etib tayinlangan.
Izoh (0)