Rossiyalik taniqli estrada xonandasi Zivert o‘zbekistonlik muxlislari uchun Xalqlar do‘stligi san’at saroyida konsert dasturini taqdim etdi. “Daryo” muxbiri mazkur dasturdan fotoreportaj tayyorladi.
Salom, Toshkent! Bugun mana shu yerda yig‘ilgan barcha insonlarga sog‘inchli salomlarim. Yodimda, konsert dasturimiz qoldirilgan edi. Mana nihoyat bugun birgamiz, bir-birimizni his etyapmiz. Yaxshi va mehrli bir muhit almashgani keldik. Do‘stlar, kelganingiz uchun rahmat. Zivert va jamoa siz bilan shu yerda, iliq va shinam Toshkentda! Bugun, mana shu kechada, dunyoning tashvishlari, kundalik muammolarimiz, maishiy hayotimizni unutamiz. Bugun bu yerda faqat yorqin musiqa, qaynoq raqslar, muhabbat bo‘ladi.Zivert dastur mobaynida “Life”, “Cry”, “Ne boley”, “Rokki”, “Bestseller” singari o‘n beshga yaqin hit qo‘shiqlarini kuyladi. U nafaqat taronalari, balki raqslari orqali ham tomoshabinlar olqishiga sazovor bo‘ldi.Zivert, rossiyalik xonanda
Jonli ijrodagi konsertda zaldagi muxlislar ham xonanda bilan jo‘r bo‘lishdi. Shuningdek, konsertda Rossiyadagi mashhur estrada guruhi “Rasa” ham ijod namunalari bilan muxlislarni raqsga chorladi.
Izoh (0)