Xonanda Umidaxon YouTube’dagi Chotki TV kanaliga bergan intervyusida ikkinchi farzandi nobud bo‘lganidan so‘ng ancha vaqtgacha o‘ziga kela olmagani, bu holat uning ijodda ham tanaffus qilishiga sabab bo‘lgani haqida so‘zlab berdi.
“Turmush qurganimdan so‘ng asosiy e’tiborimni oilaga qaratdim. Ketma-ket homiladorlikni boshdan kechirdim. Birinchi farzandim — Muhammadalini dunyoga keltirdim. U hozir 2 yosh-u yetti oylik. Undan keyin qisqa fursat ichida yana homilador bo‘ldim. O‘zi bu narsani gapirmayman, degandim. Lekin kuzatuvchilarimning gap-so‘zlariga javob berib ketmoqchiman. Orada homilador bo‘lib, vazn to‘pladim. Allohning irodasi ekan, farzandim yetti oylik bo‘lganida nobud bo‘ldi. O‘g‘il bola edi. Shundan keyin operatsiya bo‘lib, gormonlar oldim. Xullas, qiynaldim. Ijodimda tanaffus bo‘ldi. To‘lishib ketdim, o‘zimga kelolmadim. Turmush o‘rtog‘im, oila a’zolarim shunday paytda menga dalda bo‘lishdi”, — deydi Umidaxon.
Izoh (0)