Braziliya prezidenti Jair Bolsonaru davlat rahbarining tergov organlari faoliyatiga aralashuvi ishi bo‘yicha shaxsan o‘zi ko‘rsatma berdi. Bu haqda tergov stenogrammasiga tayanib, Globo telekanali xabar berdi, deb yozadi “TASS”.
“Hech qachon rahbariyatni almashtirish yo‘li bilan (politsiya — tahr.) maxfiy tergovlar bo‘yicha ma’lumotlarni olish, federal politsiya faoliyatiga aralashish yoki u tomonidan tuzilgan hisobotlarni qo‘lga kiritish niyatim bo‘lmagan”, — deydi siyosatchi.
2020-yilning aprelida Braziliya sobiq adliya vaziri Serjiu Moruning hukumatdan ketishi bilan siyosiy mojaro yuzaga keldi. Idora sobiq rahbari o‘zining qarorini Bolsonaruning xatti-harakatlari bilan kelisha olmagani orqali izohlagan, prezident Moruning ketishidan bir necha soat oldin Federal politsiya rahbari Maurisiu Leyte Valeyshuning ishdan olib tashlagan. Moruning versiyasiga ko‘ra, Braziliya yetakchisi shu orqali o‘z o‘g‘illari aloqador bo‘lgan jinoyot ishi surishtiruviga ta’sir ko‘rsatishga uringan. Sobiq vazir Bolsonaruni o‘z mavqeyidan shaxsiy maqsadlarida foydalanishda, tergov organlari faoliyatiga aralashish va odil sudlovga to‘sqinlik qilishda ayblagan.
Mazkur fonda Oliy federal sudning sobiq sudyasi Selsu di Melu davlat rahbariga nisbatan tergovga sanksiya qo‘llagan va Moruning so‘zlariga ko‘ra, prezident kuch tuzilmalari rahbarlariga bosim o‘tkazgani aytilgan hukumat yig‘ilishining videoyozuvini e’lon qilishga ruxsat bergan. E’lon qilingan kadrlardan ko‘rish mumkinki, davlat rahbari harbiy idora, razvedka organlari va Federal politsiyaning tezkor ma’lumotlari sifatidan shikoyat qilgan, shuningdek, u xavfsizlik borasidagi javobgarlik uchun hatto vazirlar ham lavozimidan ayrilishi mumkinligi haqida ogohlantirgan.
Yosh chegarasiga yetgani sababli oliy instansiyadagi lavozimidan iste’foga chiqishidan oldin bu jarayonda qatnashgan Selso de Meloning fikricha, prezidentning shaxsan guvohlik berishdan bosh tortishga haqqi bo‘lmagan. Uning ta’kidlashicha, bu kabi imtiyoz faqat jabrlanuvchilar va guvohlarga tegishli.
Avvalroq Braziliya prezidenti harbiy to‘ntarish uyushtirishga tayyorgarlik ko‘rishda ayblangani, Braziliya senatorlari koronavirus bilan bog‘liq vaziyat sabab prezident Bolsonaruga qarshi ayblovni ma’qullagani to‘g‘risida xabar berilgandi.
Izoh (0)