Ukraina Madaniyat va axborot siyosati vazirligi rossiyalik stendap-komik va teleboshlovchi Maksim Galkinni milliy xavfsizlikka tahdid soluvchi shaxslar ro‘yxatiga kiritdi. Vazirlik saytida e’lon qilingan ro‘yxatda Galkinning ma’lumotlari paydo bo‘ldi, deb yozadi Meduza.
UXX Galkinni milliy xavfsizlikka tahdid deb tan olishining sababi oshkor qilinmadi. Ijodkorning o‘zi ham hozircha nima bo‘lganiga izoh bermadi.
Iyun oyida rossiyalik qo‘shiqchi Filipp Kirkorov Ukraina milliy xavfsizligiga tahdid soluvchi shaxslar ro‘yxatiga kiritilgan edi. Uning nomi ro‘yxatda uch kun turgan, keyin UXX Ukraina Madaniyat vazirligiga Kirkorovni ro‘yxatdan olib tashlashni buyurgan. UXX ikkala qarorni ham ommaviy ravishda tasdiqlamagan.
Izoh (0)