Janubiy Afrika Respublikasidan bo‘lgan yozuvchi Deymon Gelgut 2021-yilgi xalqaro Buker mukofotiga sazovor bo‘ldi. Tantanali taqdirlash marosimi 3-noyabr kuni Londonda bo‘lib o‘tdi, deb xabar beradi “Korrespondent.net”.
Gelgut mukofotni Janubiy Afrikada yashovchi oq tanlilar oilasi haqida so‘zlovchi “Va’da” (The Promise) romani uchun olgan. Voqealar 1980-yillarda, vafot etayotgan ayol turmush o‘rtog‘idan fermadagi uyini qora tanli xizmatkor ayolga berishini so‘raganidan boshlanadi. Erkak va’dasini bajarmaydi va bu butun oila uchun qariyb 30 yil davomida tavqi la’natga aylanadi.
Muallif nufuzli mukofotdan tashqari, 88,6 ming dollar miqdoridagi mukofotga ham loyiq ko‘rilgan.
Gelgut mukofot uchun kurashda 2020-yil 1-oktabrdan keyin Buyuk Britaniya yoki Irlandiyada chop etilgan dunyoning turli nuqtalaridan bo‘lgan 158 kishini ortda qoldirgan.
Ma’lumot uchun, xalqaro Buker mukofoti 2004-yilda ta’sis etilgan va 2016-yilgacha ikki yilda bir marta o‘tkazilgan. Shundan so‘ng u har yili o‘tkazilib kelinmoqda. 2019-yilda mukofotga ummonlik yozuvchi va o‘qituvchi Juxa Alhariziy loyiq ko‘rilgandi.
Izoh (0)