Futbol bo‘yicha Yevropa Chempionlar Ligasining 4-turidan o‘rin olgan bir qator uchrashuvlar 3-noyabr, chorshanba kuni bo‘lib o‘tdi.
“Real” o‘z uyida “Shaxtyor”ni qabul qildi. Uchrashuvning 14-daqiqasida Karim Benzema hisobni ochdi. 39-daqiqada “Shaxtyor” futbolchisi Fernando Pedro muvozanatni tikladi. 61-daqiqada Karim Benzema dublni rasmiylashtirdi. Benzemaning ikki goliga ham Vinisius Junior assistentlik qildi.
Ushbu g‘alabadan so‘ng “Real” ochkolari sonini 9 taga yetkazdi va D guruhida birinchi o‘ringa chiqib oldi.
“Portu” Italiyada “Milan” mehmoni bo‘ldi. O‘yinning 6-daqiqasida Luis Dias gol urib, mehmonlarni hisobda oldinga olib chiqdi. 61-daqiqada Shansel Mbemba o‘z darvozasini ishg‘ol qilib qo‘ydi va hisob tenglashdi. Uchrashuv so‘ngiga qadar 1:1 hisobi o‘zgarmadi.
Durang natijadan so‘ng “Milan” 1 ochko bilan 4-o‘rinda qoldi, “Portu” esa ochkolari sonini 5 taga yetkazdi va 2-o‘rinni band etib turibdi.
YChL
4-tur bahslari
3-noyabr, chorshanba
“Real” – “Shaxtyor” 2:1
Gollar: 1:0 — 14 Benzema, 1:1 — 39 Fernando Pedro, 2:1 — 61 Benzema“Real Madrid”: Kurtua, Karvaxal (Nacho, 66), Alaba, Militao, Mendi, Modrich, Kroos, Kazemiro, Vaskes, Benzema (Yovich, 79), Vinisius Junior.
“Shaxtyor”: Trubin, Dodo, Marlon, Matvienko, Ismaili, Stepanenko (Sudakov, 80), Alan Patrik (Markos Antonio, 79), Maykon, Mudrik (Solomon, 71), Tete (Marlos, 79), Fernando Pedro (Dentinyo, 86).
Ogohlantirishlar: Mendi (39), Kazemiro (63), Dentinyo (90+3).
“Milan” – “Portu” 1:1
Gollar: 0:1 – 6 Dias, 1:1 – 61 Mbemba (avtogol).“Milan”: Teterushanu, Kalabriya (Kalulu, 46), Romanyoli, Tomori, Ernandes, Bennaser, Salemakers, Tonali (Kessie, 68), Jiru (Ibrahimovich, 76), Rafael Leau (Maldini, 85), Brahim Dias (Krunich, 68).
“Portu”: Diogu Koshta, Pepe, Mbemba, Sanusi, Otavio (Toni Martines, 86), Serjiu Oliveyra (Vitinya, 70), Gruyich, Joau Mariu, Taremi (Pepe, 85), Evanilson (Fransishku Konseysau, 79), Dias (Brunu Koshta, 79).
Ogohlantirishlar: Gruyich (49), Tomori (55), Mbemba (65), Vitinya (73), Fransishku Konseysau (90).
Izoh (0)