O‘zbekistonda 176 ming nafardan ortiq bola Pfizer/BioNTech vaksinasi bilan ixtiyoriy ravishda emlandi. Bu haqda Sog‘liqni saqlash vazirligi matbuot kotibi xabar qildi.
Eslatib o‘tamiz, 2021-yilning 28-sentabridan O‘zbekiston bosh davlat sanitariya vrachi va milliy texnik immunologik ekspert komissiyasining qaroriga asosan, mamlakatda ota-onalar va vasiylarining roziligi asosida, ixtiyoriy ravishda 12 yoshdan katta bolalarni Pfizer vaksinasi bilan emlash yo‘lga qo‘yilgan.
27-oktabr holatiga ko‘ra, mamlakatda 176 791 nafar 12 yoshdan 18 yoshgacha bo‘lgan bolalar Pfizer vaksinasi bilan ixtiyoriy ravishda emlangan.
Xususan, bolalarni koronavirusga qarshi emlash jarayoni Farg‘ona (37 395 doza), Namangan (34 479 doza), Andijon (22 502 doza) viloyatlarida yuqori sur’atlarda olib borilmoqda.
Avvalroq AQSh tomonidan xayriya sifatida O‘zbekistonga yuborilgan Pfizer/BioNTech vaksinasining 273 780 dozalik partiyasi olib kelingani to‘g‘risida xabar berilgandi. Shu kunga qadar mamlakatda ushbu vaksina turidan 2 milliondan ortiq doza olib kelingan.
Mavzuga doir: O‘zbekiston noyabrda Rossiyaga COVID-vaksinatsiya sertifikatlarini o‘zaro tan olish to‘g‘risidagi hujjatni yuboradi
Izoh (0)