Meduza Kanada yo‘llari bo‘ylab sayr qilayotgan bug‘uga hamrohlik qilayotgan politsiya mashinasining videosi bilan bo‘lishdi.
Mamlakatdagi 69 trassasi bo‘ylab harakatlangan kanadaliklar uzoqdan “migalka”si yongan politsiya mashinasini payqab qolgan. Avvaliga ular avariya sodir bo‘ldi deb o‘ylagan, ammo barchasi kutilganidan qiziqroq bo‘lib chiqdi.
Ma’lum bo‘lishicha, hech kimga jarohat yetmagan — shunchaki Ontario provinsiyasi politsiyasi yo‘l bo‘yida sayr qilayotgan bug‘uga eksort bo‘lishga qaror qilgan. Politsiyachilar ataylab hayvon ortidan yurishi uchun mashinani sekin harakatlantirgan.
Avvalroq internetda qora BMW soatiga 80 kilometr tezlikda harakatlanayotganida o‘rmondan bug‘ular to‘dasi chiqib kelgani to‘g‘risida xabar berilgandi.
Izoh (0)