Oq uyning sobiq matbuot kotibi Stefani Grishemning Donald Tramp administratsiyasidagi faoliyati to‘g‘risida yozgan kitobi 5-oktabr kuni taqdim etildi. Ta’kidlanishicha, memuarlarda AQShning sobiq birinchi xonimiga oid ayrim faktlar ham keltirilgan, deb xabar beradi “Korrespondent.net”.
Grishemning yozishicha, Donald Trampning rafiqasi Afrikadagi bolalar uchun ulkan ko‘zgu sotib olishni rejalashtirgan. Ushbu g‘oya unga 2018-yili Malaviga safari davomida kelgan. Muallifning so‘zlariga ko‘ra, Melaniyani uning oldiga bolalar yugurib kelib, “qanday ko‘rinishga egaliklarini bilish uchun” suratga tushirib qo‘yishni so‘ragani hayron qoldirgan.
Turdan qaytishi bilan o‘sha vaqtdagi AQShning birinchi xonimi davlat darajasida bolalar “kuchli yoki juda chiroyli” ko‘ra olishi uchun Afrika maktablariga ko‘zgular qo‘yish taklifini bildirgan.
Shuningdek, Grishemning ta’kidlashicha, Melaniya ko‘p vaqtini fotoalbomlar ustida ishlashga sarflagan. Kitobning 5-oktabrda chiqarilgan parchasida aytilishicha, fotoalbomlar Melaniyaning “ikkinchi farzandi” edi.
Melaniya Trampning 2021-yil fevralida ochilgan ofisi memuarlarga izoh berib ulgurgan. Sobiq birinchi xonimning vakillari ma’lum qilishicha, Grishem shunchaki “Oq uy matbuot kotibi lavozimida juda yomon ishlagani, shaxsiy munosabatlari buzilgani va noprofessional xatti-harakatlari ortidan qora bo‘lgan nomini oqlab olishga urinmoqda”.
Izoh (0)