Samarqanddagi bog‘chalarning birida 4-oktabr kuni yong‘in chiqqandi. Maktabgacha ta’lim vazirligi holat yuzasidan qo‘shimcha ma’lumot berdi.
Qayd etilishicha, yong‘in Samarqand shahridagi Bog‘dod ko‘chasida joylashgan 27-sonli maktabgacha ta’lim tashkiloti oshxonasining tom qismida yuz bergan. Yong‘in binoning tom qismidan o‘tgan elektr tarmog‘ida qisqa tutashuv oqibatida sodir bo‘lgan. Voqea joyiga 3 ta yong‘in-qutqaruv guruhi yetib borib, yong‘in bartaraf etilgan.
Yong‘indan faqat oshxona tom qismining 25 kvadrat metr maydoni zarar ko‘rgan. Binoning ichki qismiga zarar yetmagan.
Hodisa oqibatida jabrlanganlar yo‘q, tashkilotning barcha tarbiyalanuvchilari va pedagog-xodimlari binodan o‘z vaqtida evakuatsiya qilingan.
Moddiy zarar miqdori 25—30 million so‘mni tashkil etmoqda.
Bundan avval Andijondagi bog‘chalardan birining hududida yong‘in chiqqani haqida xabar berilgan edi. Ushbu yong‘in quruvchilarning ehtiyotsizligi oqibatida kelib chiqqan.
Izoh (0)