Janubiy Koreya Hyundai avtomobil brendining O‘zbekistondagi rasmiy distribyutori — Hyundai Auto Asia kompaniyasi innovatsion Hyundai Elantra sedanning Base komplektatsiyasini 13 450 000 so‘m foyda bilan sotib olish imkoniyatini taqdim etmoqda.
Yettinchi avlod Hyundai Elantra muxlislari 2021-yil 1-oktabrdan 31-dekabrgacha avtomobilni qulay shartlarda sotib olishlari mumkin. Base komplektatsiyasidagi avtomobilni sotib olishda 13 450 000 so‘m chegirma taqdim etiladi. Ahamiyatli jihati, chegirmalar avtomobilni naqd pul, lizing, kredit va hattoki muddatli to‘lov asosida xarid qilish uchun ham amal qiladi.
Zamonaviy, tezkor siluet, fastback uslubidagi geometrik shakllar va diodli yoritish texnologiyalari tufayli yangi Elantra qat’iyatli ko‘rinishga ega bo‘lgan. Siz yo‘lda boshqalardan ajralib turasiz, avtomobil barchaning e’tiborini magnit kabi o‘ziga tortadi.
Hyundai tomonidan yangi ishlab chiqilgan uchinchi avlod platformasi va tejamkor dvigatel dinamika hamda haydash vaqtida qulaylikni ta’minlaydi. Avtomobil yo‘lni yaxshi ushlaydi va manyovrlar vaqtida barqaror harakat qiladi.
Hyundai Elantra modelining yettinchi avlod dizayni Parametric Dynamics konsepsiyasiga muvofiq ishlab chiqilgan va qirralarning ko‘pligi va orqa, yon tomonlaridagi siniq chiziqlari bilan ko‘zni quvontiradi. Avtomobilning old qismi qora rangdagi uch o‘lchamli radiator panjarasi bilan bezatilgan, natijada mashina o‘ziga xos agressiv ko‘rinishga ega bo‘lgan. Hyundai Elantra avtomobilining tashqi ko‘rinishini avtomobil dizayni uchun xos bo‘lmagan, o‘tkir burchakli shakllarning ustunligi deb baholash mumkin.
Foydali aksiya O‘zbekiston bo‘ylab, Toshkent, Andijon, Buxoro, Samarqand, Namangan, Farg‘ona, Urganch shaharlaridagi barcha dilerlik markazlarida amal qiladi. Barcha dilerlik markazlari 3S tizimi bo‘yicha ishlaydi: avtomobillarni sotish, servis markazi xizmatlari, ehtiyot qismlar va qo‘shimcha uskunalarni sotish.
Yagona aloqa markazining 1248 raqamiga qo‘ng‘iroq qilib, test-drayga yoziling va ushbu avtomobilning barcha qulayliklari va afzalliklarini bevosita yo‘l sharoitida his qiling.
Shuningdek, aloqa markaziga qo‘ng‘iroq qilib, avtomobilning xususiyatlari, aksiya shartlari va kompaniyaning boshqa takliflari haqida batafsil ma’lumot olishingiz mumkin.
Reklama huquqi asosida.
Izoh (0)