Taekvondo bo‘yicha O‘zbekiston uchun birinchi oltin medalni qo‘lga kiritgan Ulug‘bek Rashidov ishtirokida mamlakat viloyatlariga turne tashkil etildi.
Taekvondo bo‘yicha O‘zbekiston uchun birinchi oltin medalni qo‘lga kiritgan Ulug‘bek Rashidovning g‘alabasi yurtdoshlarimizning cheksiz quvonchiga sabab bo‘ldi.
Olimpiya o‘yinlarida erishilgan yuqori natijalarni O‘zbekiston Respublikasi Prezidenti Shavkat Mirziyoyev tomonidan aholi, ayniqsa yoshlarni jismoniy tarbiya va sportga jalb etish, keng jamoatchilik orasida sog‘lom turmush tarzini ommalashtirish bo‘yicha belgilab berilgan aniq vazifalarning natijasi sifatida baholashimiz mumkin.
O‘zbekistonda turli sport turlari bilan shug‘ullanayotgan va ushbu yo‘nalishda o‘z o‘rnini topishga intilayotgan yoshlar soni yildan yilga oshib bormoqda. Ularning bu sevimli mashg‘uloti ko‘pincha professional sport karyerasi tomon hal qiluvchi qadam bo‘lmoqda. Natijada sport turlari bo‘yicha yorqin yulduzlarimiz safi kengayib bormoqda.
Mamlakatda ushbu vazifalarni bajarishga qaratilgan dasturlarni amalga oshirishda PepsiCo kompaniyasining O‘zbekistondagi rasmiy bottleri — International Beverages Tashkent ham o‘z hissasini qo‘shib kelmoqda, professional futbol, xokkey, boks, og‘ir atletika va boshqa sport tadbirlarini tashkillashtirish va o‘tkazishda faol ishtirok etmoqda.
Joriy yilning may oyida O‘zbekiston milliy olimpiya qo‘mitasi va International Beverages Tashkent kompaniyasi o‘rtasida imzolangan hamkorlik memorandumi doirasida respublika hududlarida ommaviy sport turlarini qo‘llab-quvvatlash, iqtidorli va qobiliyatli yoshlarni sportga jalb qilish bo‘yicha bir qator ishlar amalga oshirilmoqda. Jumladan, belgilangan vazifalarni bajarish maqsadida mamlakatimizning eng yorqin va iqtidorli sportchilari bilan hamkorlik yo‘lga qo‘yilmoqda.
Xususan, taekvondo bo‘yicha O‘zbekiston uchun birinchi oltin medalni qo‘lga kiritgan Ulug‘bek Rashidov bilan mamlakatning 5 viloyatiga turne tashkillashtirildi.
Turne doirasida Olimpiya chempioni txekvondo bo‘yicha sport maktablariga tashrif buyuradi. U yerda ta’lim olayotgan bolalar chempion bilan shaxsan muloqot qilish, o‘zlarini qiziqtirgan savollarni berish va sportchi hayoti bilan yaqindan tanishish imkoniga ega bo‘lishdi. Ulug‘bek Rashidov sportchi bolalarga taekvondo uchun forma —doboklarni va boshqa sovg‘alarini topshirmoqda.
Ulug‘bek Rashidovning sportga qiziqishi bolaligidan boshlangan. Bunda Bryus Li va Van Damm ishtirokidagi filmlarning ahamiyati katta. Bo‘lajak chempion bolalik davridan ularning usullarini takrorlashga harakat qilar edi. Farzandining sportga bo‘lgan qiziqishini payqagan otasi Ulug‘bekni sport to‘garagiga berishga qaror qilgan.
Yosh Ulug‘bek murabbiy Pavel Xan qo‘lida tahsil oldi va ustozi uni Olimpiya chempioniga aylantirdi. “Taekvondodan voz kechib, futbolga borishni istagan paytlarim bo‘lgan, chunki boshlang‘ich pallada taekvondoda sezilarli yutuqlarga erisholmaganman. Lekin murabbiy meni har bir mag‘lubiyatim saboq ekanini aytib, qo‘yib yubormadi, qo‘llab-quvvatladi, rag‘batlantirdi, shuning uchun men shu yo‘nalishda qolishga qaror qildim va bundan afsuslanmadim”, — deydi Ulug‘bek Rashidov.
Ulug‘bekning sezilarli yutuqlari 2017-yilda Qozog‘istonning Atirau shahrida o‘smirlar o‘rtasidagi Osiyo chempionatida faxrli ikkinchi o‘rinni egallashidan boshlandi.
“2018-yilda o‘smirlar Olimpiya o‘yinlariga yo‘llanma olish maqsadida saralash turniriga tayyorgarlik ko‘ra boshladik. Bu musobaqalarda men birinchi o‘rinni qo‘lga kiritdim va o‘smirlar o‘rtasidagi Olimpiya o‘yinlarida kumush medal sohibi bo‘ldim. Uch kundan so‘ng o‘smirlar o‘rtasidagi jahon chempionati boshlandi va unda 3-o‘rinni egalladim. 2019-yilda esa o‘smirlar o‘rtasidagi so‘nggi musobaqalarda men Osiyo chempioni va 2019-yilning eng yaxshi sportchisi bo‘ldim”, — deya eslaydi Ulug‘bek.
Joriy yilda o‘tkazilgan Olimpiada o‘yinlari bir umr Ulug‘bekning yodida qoladi. Bunga sabab faqatgina g‘alaba emas, Ulug‘bek Olimpiya o‘yinlari tarixida ilk bor taekvondo bo‘yicha beshta jangda qatnashishi kerak edi. Ulug‘bek Rashidov Tokio—2020 o‘yinlarining har bir jangida sharaf bilan kurash olib bordi va munosib g‘alabani qo‘lga kiritdi.
International Beverages Tashkent QK MChJ PepsiCo kompaniyasining O‘zbekistondagi rasmiy bottleri
Reklama huquqi asosida.
Izoh (0)