AQShda Lu laqabli yenotsimon tozi (kunxaund) dunyodagi eng uzun quloqlarga ega it deya tan olindi. Bu haqda Ginnesning rekordlar kitobi saytiga tayanib, “Korrespondent.net” xabar berdi.
Lu o‘zini Peyj Olsen ismli veterinar boqib olguniga qadar boshpanasiz hayvonlar saqlanadigan maskanda yashagan. Ayol itning quloqlariga tezda e’tibor bergan va koronavirus pandemiyasi vaqtida uni o‘lchab ko‘rgan.
Ta’kidlanishicha, Luning quloqlarini har birini uzunligi 34 santimetrni tashkil etadi.
It egasining so‘zlariga ko‘ra, yenotsimon tozilar uzun quloqlari yerda sudralib, it biror iz ortidan ketayotganida hidni “faollashtiradi”. Bu kunxaundlarga boshqa itlar seza olmaydigan juda eski, “sovuq” izlarni topish imkonini beradi.
Olsenning so‘zlariga ko‘ra, Luning quloqlari alohida parvarish talab qilmaydi: u oyda bir marta quloqlar tozaligini tekshirib turadi, qishda esa qorga o‘ralashmasligi uchun bog‘lab qo‘yadi.
Avvalroq Britaniyada dunyodagi eng katta quyon o‘g‘irlab ketilgani to‘g‘risida xabar berilgandi.
Mavzuga doir: Dunyodagi eng mashhur skeytbordchi it o‘ldi
Izoh (0)