Plyaj bo‘ylab sayr qilib yurgan paxmoq mavjudot. Bu qaysi jonzot bo‘ldi?

Internetda yana noma’lum paxmoq hayvonning surati keng muhokamalarga sabab bo‘ldi, deb yozadi Meduza.

Ta’kidlanishicha, suratda paxmoq it tasvirlangan. Uning surati Reddit tarmog‘ida 2021-yilning fevralida e’lon qilingan (ammo Twitter foydalanuvchilari orasida u hozirga kelib mashhurlikka erishdi).

Suratdagi itning chap panjalariga yaxshilab e’tibor berilsa, aslida bu orqa panjalar, o‘ng tomondagisi esa tabiiyki, old panjalar ekanini ko‘rish mumkin.

“It shunchaki sakragan vaqtida boshini burishga uringan, uning qalin junlari esa optik illyuziya bo‘lmasa-da, aniq chalkashlikni yuzaga keltirgan”, — deyiladi xabarda.

Avvalroq ijtimoiy tarmoqlarda “butilka” cho‘qishtirib turgan erkaklar tasvirlangan yana bir optik illyuziyali surat keng muhokamalarga sabab bo‘lgani to‘g‘risida xabar berilgandi.