Braziliya prezidenti Jair Bolsonaro Nyu-Yorkda pitssani ko‘chada yeyishiga to‘g‘ri keldi. U koronavirusga qarshi emlanmagani sababli restoranga kirishga ruxsat berilmagan, deb yozadi Meduza.
Braziliya rahbari 2020-yil iyul oyida koronavirus bilan kasallangan bo‘lsa-da, ochiq va izchil ravishda COVID-19 xavfini rad etdi. Shunga qaramay, prezident hali ham emlashdan bosh tortmoqda, u buni ma’nisiz deb o‘ylaydi, chunki uning fikricha, u allaqachon antitanaga ega.
Prezident Bolsonaro BMT Bosh assambleyasida qatnashish uchun Nyu-Yorkka uchgandi. Nyu-York meri Bill di Blazio Braziliya prezidentidan alohida emlashni so‘ragan, lekin u yana rad etgan.
Bolsonaro pitssa yeyishga qaror qilganida, u bilan shafqatsiz hazil qilishdi. Uni restoranga kiritishmadi, aksincha restoranning pardalar bilan o‘ralgan ayvonidan prezidentga burchak ajratildi. Koronavirus bilan bog‘liq xavfsizlik choralari tufayli restoranlarga faqat AQSh tomonidan tasdiqlangan vaksinalar bilan emlanganlar kiritiladi.
Biroq suratlarga qaraganda Bolsonaro bundan unchalik ham ranjimagan. Ammo shunisi aniqki, pitssa katta ehtimol bilan tezda sovib qolgan.
Izoh (0)