AQSh baliqchilik va yovvoyi tabiat xizmati mamlakatda 22 turdagi jonivorlar va bir o‘simlik turi yo‘q bo‘lib ketganini ma’lum qildi, deb yozadi The New York Times.
“Bu 23 turning har biri mamlakatimizning tabiiy merosi va global bioxilma-xilligi uchun qaytarilmas yo‘qotishdir. Bu esa yo‘qolib ketishlar atrof-muhitdagi antropogen o‘zgarishlarning natijasi ekani haqida ogohlantiruvchi eslatma”, — dedi AQSh baliqchilik va yovvoyi tabiat xizmati.
Ma’lum qilinishicha, oq tumshuqli qizilishton AQShdagi eng yirik tur bo‘lgan, lekin oxirgi marta uni 1944-yilda Luizianada ko‘rishgan. Bu tur 1967-yilda yo‘qolib ketish xavfi ostidagi turlar ro‘yxatiga kiritilgan.
Shuningdek, Baxman qo‘shiqchi qushi — Shimoliy Amerikadagi eng kam uchraydigan qushlardan biri. U 1967-yilda yo‘qolib ketish xavfida bo‘lgan turlar ro‘yxatiga kiritilgan.
AQShda tuzilgan ro‘yxatga sakkiz turdagi Gavayi qushlari va Tinch okeanining Guam orolidan kelgan Mariana ko‘rshapalaklari kiradi. Yo‘qolib ketganlar ro‘yxatidagi o‘simlikning vatani ham Gavayi.
Izoh (0)