Namangan viloyatida yuk mashinasi ishtirokida yo‘l-transport hodisasi sodir bo‘ldi, deya xabar qilmoqda viloyat IIB axborot xizmati.
Ma’lum qilinishicha, 2021-yil 26-sentabr kuni soat 08:00 larda Toshkent—O‘sh yo‘lining 223-kilometrida “Qo‘shminor” MFY hududida Qozog‘istonning Nur-Sulton shahrida yashagan, Qozog‘iston fuqarosi, 1987-yilda tug‘ilgan shaxs DAF rusumli yuk mashinasini ishonch qog‘ozi orqali Vodiy—Toshkent yo‘nalishida boshqarib borayotib, harakat xavfsizligini ta’minlay olmay, qarama-qarshi yo‘nalishga o‘tib ketgan. Oqibatda mashina temir to‘siqqa urilib, ag‘darilib ketgan.
Haydovchi olgan tan jarohati oqibatida voqea joyida halok bo‘lgan.
Ushbu holat bo‘yicha Pop tuman IIB huzuridagi TB tomonidan 2021-yil 26-sentabr kuni Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish xavfsizligi qoidalarini buzish) bilan jinoyat ishi qo‘zg‘atilgan.
Bundan avval Qashqadaryoda harakatlanayotgan Lacetti’ning gaz balloni portlab ketgani, Jizzaxda Hyundai yuk mashinasi va “KamAZ” ishtirokida YTH sodir bo‘lgani hamda Surxondaryoda YPX xodimini Lacetti kapotida sudrab ketgan haydovchi qamoqqa olingani haqida xabar berilgandi.
Izoh (0)