Adliya vazirligi fuqarolar Prezident hujjatlarining o‘z vaqtida bajarilmayotgani holati bo‘yicha murojaat qilishi uchun Telegram-bot yaratdi, deb xabar beradi “Huquqiy axborot” kanali.
@ijronazorati_bot nomli Telegram-bot Prezident hujjatlarining o‘z vaqtida, to‘liq va sifatli ijro etilishiga erishish, ularning ijro etilmayotgani holati bo‘yicha tezkor murojaat yo‘llash imkonini yaratish hamda vazirlikka berilgan vakolatlar doirasida choralar ko‘rib borish maqsadida ishga tushirilgan.
“Sizning farovon hayot kechirishingiz uchun qabul qilingan Prezident hujjatlari bajarilmayotgani holatlariga befarq bo‘lmang va o‘zingiz duch kelgan shunday holatlar bo‘yicha ushbu bot orqali murojaat yo‘llang. Bu bilan siz hujjatlarning amalda ijro etilishiga hissa qo‘shgan bo‘lasiz”, — deyiladi xabarda.
Eslatib o‘tamiz, 2021-yilning iyulida o‘zbekistonlik mehnat migrantlariga yordam berishga mo‘ljallangan Telegram-bot ishga tushirilgandi.
Izoh (0)