Адлия вазирлиги фуқаролар Президент ҳужжатларининг ўз вақтида бажарилмаётгани ҳолати бўйича мурожаат қилиши учун Telegram-бот яратди, деб хабар беради «Ҳуқуқий ахборот» канали.
@ijronazorati_bot номли Telegram-бот Президент ҳужжатларининг ўз вақтида, тўлиқ ва сифатли ижро этилишига эришиш, уларнинг ижро этилмаётгани ҳолати бўйича тезкор мурожаат йўллаш имконини яратиш ҳамда вазирликка берилган ваколатлар доирасида чоралар кўриб бориш мақсадида ишга туширилган.
«Сизнинг фаровон ҳаёт кечиришингиз учун қабул қилинган Президент ҳужжатлари бажарилмаётгани ҳолатларига бефарқ бўлманг ва ўзингиз дуч келган шундай ҳолатлар бўйича ушбу бот орқали мурожаат йўлланг. Бу билан сиз ҳужжатларнинг амалда ижро этилишига ҳисса қўшган бўласиз», — дейилади хабарда.
Эслатиб ўтамиз, 2021 йилнинг июлида ўзбекистонлик меҳнат мигрантларига ёрдам беришга мўлжалланган Telegram-бот ишга туширилганди.
Изоҳ (0)